Ашҡаҙар
-5 °С
Болотло
Бөтә яңылыҡтар

Урлаған әйберҙәре – дүрт фургонлыҡ

Стәрлетамаҡта полиция ябай булмаған бурҙы тотҡан: тентегән ваҡытта бер нисә граната, ике һунар мылтығы, патрондар, дары, бысаҡтар һәм хәнйәр тартып алынған. Хәҙер ир быларҙы ҡайҙан алғанын аңлата алмай аҙаплана икән.

Полицейскийҙар бурҙың бер енәйәте буйынса эҙенә төшкәс, был 39 йәшлек ирҙең йәнә бер гараж кооперативындағы урлашыуҙа ҡатнашҡанын да асыҡлай. Тентеү барышында ҡоралданҙан тыш балалар квадроциклы, кәмә двигателе һәм башҡа бик күп әйберҙәр таба. Табылған әйберҙәрҙе әйберләтә дәлилләү складына һаҡлауға илтеп ҡуйыу өсөн дүрт фургон кәрәк була.
Әле уның башҡа уғырылыҡтарға ҡатышы булыу-булмауын тикшерәләр, уныһы бер, тартып алынған әйберҙәрҙең законлы хужаларын да асыҡларға кәрәк буласаҡ.
Р.ЗАМАНОВА.
Читайте нас: