Өфөлә тағы бер самолет менән Һиндостанда ҡалған пассажирҙарҙы алып ҡайтыуҙарын көтәләр

Делиҙан һауа судноһы Өфөгә 23 майҙа килә. Был хаҡта Рәсәй Федерацияһы Һанлы үҫеш, элемтә һәм киң коммуникациялар министрлығының телеграм-каналы хәбәр итте.

Ведомство мәғлүмәттәре буйынса, 21 майҙан 26-һына тиклем рәсәйҙәрҙе Һиндостандан, Шри-Ланканан, Малайзиянан, Камбоджанан, Берләшкән Ғәрәп Әмирлектәренән, Ҡырғыҙстандан, Үзбәкстандан, АҠШ-тан, Әрмәнстандан, Италиянан, Тажикстандан, Иорданиянан, Ливандан, Индонзиянан алып ҡайталар. Рейстар Мәскәүгә, Петербургка, Новосибирскиға, Екатеринбургка, Дондағы Ростовҡа, Красноярскиға һәм Краснодарға тиклем ойошторолған.

Алдан сит илдән Өфөгә ҡайтҡан пассажирҙарҙың 14 көнгә шифаханаларға карантинға оҙатылыуы тураһында хәбәр ителгәйне.

Башинформ.