Бөтә яңылыҡтар
Социаль яҡлау
6 Ғинуар , 15:49

Ни өсөн Рәсәй Пенсия фонды менән Социаль страховка фондын берләштерҙеләр?

Быға тиклем бер үк ярҙам сараларын юллап, Пенсия фондына ла, Социаль страховка фондына лә мөрәжәғәт итергә тура килде. Мәҫәлән, инвалидлыҡ билдәләгән осраҡта кеше Рәсәй Пенсия фондына - пенсия юллап, ә Социаль страховка фондына техник реабилитация саралары алыу өсөн мөрәжәғәт итә ине. Бала тыуғас, Пенсия фонды әсәлек капиталы билдәләне, ә Социаль страховкалау фондында бала тәрбиәләү буйынса пособие тәғәйенләнде. Хәҙер кешеләр, ташламалар һәм түләүҙәр һорап, бер ойошмаға мөрәжәғәт итә ала.

Ни өсөн Рәсәй Пенсия фонды менән Социаль страховка фондын берләштерҙеләр?
Ни өсөн Рәсәй Пенсия фонды менән Социаль страховка фондын берләштерҙеләр?

- Күрһәтелгән хеҙмәттәр исемлеге кәмемәнеме?
Юҡ, кәмемәне. Рәсәйҙең Социаль фонды ике фонд тарафынан күрһәтелгән хеҙмәттәрҙе күрһәтәсәк. Әммә был хеҙмәттәр менән ҡулланыу уңайлыраҡ һәм тиҙерәк буласаҡ. Төрлө инстанцияларға мөрәжәғәт итергә кәрәкмәй, ә түләүҙәрҙе рәсмиләштереү, ведомство-ара документтар һоратыу кәрәкмәгәнлектән, тиҙерәк буласаҡ.

- Фондтарҙың берләшеүе түләүҙәр датаһына йоғонто яһаясаҡмы?
Юҡ, фондтарҙы берләштереү түләүҙәр көнөнә ҡағылмай. Граждандар тейешле пенсия, пособие һәм башҡа түләүҙәрҙе элекке ваҡытында аласаҡ. Рәсәйҙең Социаль фонды ике фондтың бөтә йөкләмәләрен һәм функцияларын тулы күләмдә башҡарасаҡ.

- Клиент хеҙмәттәренең адрестары үҙгәрәме?
Юҡ, клиент хеҙмәтенең адрестары үҙгәрешһеҙ ҡала. Граждандарҙы ҡабул иткән офистар һаҡлана. Улар бөгөн ике фонд күрһәткән хеҙмәттәрҙе башҡарыусы берҙәм клиент хеҙмәттәренә әүерелә. Шәхси ҡабул итеү ваҡытында түләүҙәрҙе рәсмиләштерергә теләүселәр яҡындағы клиенттар хеҙмәтен һайлай аласаҡ.

- Һанлы сервистар аша хеҙмәтләндереү мөмкинлеге булғас, шәхси ҡабул итеү нимәгә кәрәк?
Түләүҙәрҙе рәсмиләштереүҙең уңайлы ысулын һайлау өсөн кәрәк. Ябай миҫал - пенсиялар тәғәйенләү. Ғариза биреү, социаль түләүҙәрҙең икенсе төрөнә күсеү, индексация үткәреү һәм ҡайтанан иҫәп-хисап яһатыу, реквизиттарҙы алмаштырыу - быларҙың барыһын да "Дәүләт хеҙмәттәре" порталы аша эшләргә мөмкин. Шулай булыуға ҡарамаҫтан, граждандарҙың күпселеге Рәсәй Пенсия фонды бүлексәләренә барып мөрәжәғәт итеүгә өҫтөнлөк биргән.

Кемдеңдер смартфоны йәки компьютеры юҡ, кемгәлер ентекле яуап кәрәк, кемгәлер сәләмәтлеге электрон форманы үҙаллы тултырырға мөмкинлек бирмәй. Фондтарҙы берләштереү ғәҙәти һәм уңайлы форматта ярҙам алыу мөмкинлеген һаҡлап ҡала.

- Хеҙмәт стажы, СНИЛС һәм башҡа шәхси мәғлүмәттәрҙе ҡайҙа ла булһа күсерәсәктәрме?
Юҡ. Был мәғлүмәттәр һанлы форматта һәм ышаныслы һаҡлана. Фондтарҙы берләштереү был системаға бер нисек тә йоғонто яһамай. Ҡағыҙ архивта үҙ урынында ҡаласаҡ.

- Страховка иғәнәһенә тарифтар үҙгәрәсәкме?
Страховка иғәнәләре хеҙмәт һәм гражданлыҡ хоҡуғы килешеүҙәре буйынса түләүҙәргә берҙәм тариф буйынса иҫәпләнәсәк. Һуңғы төр килешеүҙәр нигеҙендә хеҙмәт иткән кешеләрҙең эшкә яраҡһыҙлыҡ ҡағыҙы һәм бала тәрбиәләү буйынса отпускы юллау мөмкинлеге буласаҡ. Фондтар берләштерелгәнгә тиклем улар пенсия страховкалауына ғына хоҡуҡлы ине.
Рәсәй Пенсия һәм Социаль страховка фондтарына айырым отчёттар тапшырырға кәрәкмәйәсәк. Бөтә мәғлүмәттәр ҙә берҙәм формала була һәм барлыҡ страховка иғәнәләрен бер түләү менән күсерергә мөмкин буласаҡ. Һуңынан Федераль ҡаҙналыҡ уны автоматик рәүештә страховка төрҙәре буйынса бүлә.

Клиент хеҙмәттәренең адрестары ошонда: https://sfr.gov.ru/grazhdanam/social_fond/pfo

Бәйләнеш үҙәгенең берҙәм телефоны 8-800-6000-000 буйынса (шылтыратыу бушлай) һәм Рәсәй Социаль фонды сайтының https://sfr.gov.ru/ төп битендәге онлайн-сәхифәһендә консультация алырға мөмкин.

#Аңлатабыҙ_Башҡортостан

Автор:
Читайте нас в