-14 °С
Болотло
Бөтә яңылыҡтар
Спорт
10 Август 2019, 09:10
Маҡсатыбыҙ – сәләмәт быуын тәрбиәләү
Физкультурниктар көнө тигәндә, спортсылар, физик культура буйынса уҡытыусылар иҫкә төшә. Ә бына шул спортсыларҙың, физкультура уҡытыусыларының да үҙ уҡытыусылары бар бит әле. Стәрлетамаҡ физик культура, идара итеү һәм сервис колледжы республикаға бына инде нисәмә йылдар әлеге өлкәлә белгестәр әҙерләй. Был тәңгәлдә эштәр нисек бара, ниндәй шарттар бар – быныһы ла ҡыҙыҡһындыра. Әммә әле уҡыу мәле түгел, йәй көнө колледж ишектәрен буласаҡ физкультурниктар аса. Уҡыу йортоноң ҡабул итеү комиссияһының эш барышы менән уның яуаплы сәркәтибе Ринат ӘСФӘНДИӘРОВ таныштырҙы.
– Ринат Радикович, белеүебеҙсә, колледжда физкультурниктар ғына әҙерләмәйҙер... Уҡырға инеү өсөн һеҙҙә нисә урын бар һәм нисә кеше документ тапшырҙы, имтихандар тапшырыу тәртибе ниндәй – ошо турала аңлатығыҙ әле.
– Әлеге ваҡытта Стәрлетамаҡ физик культура, идара итеү һәм сервис кол-леджында бюджет нигеҙендә уҡырға инер өсөн 200 урын бар. Шуларҙың 125-е – физик культура белгеслеге буйынса, 50 урын туризм, 25 – хоҡуҡ һәм социаль тәьминәтте ойоштороу һөнәре буйынса. Коммерция нигеҙендә реклама буйынса – 25, адаптив физик культура белгеслегенә 25 урын бар. Әлеге көнгә бюджет нигеҙендә уҡырға инеү өсөн 350 кеше, коммерция нигеҙендә уҡыу өсөн 52 кеше документтарын тапшырҙы. Тимәк, төп иғтибар барыбыр ҙә – физик культураға.
Абитуриенттарҙы бөтә белгеслектәр буйынса ла, физкультуранан тыш, аттестаттағы уртаса балл буйынса имтиханһыҙ ҡабул итәбеҙ.
Физик культура һәм адаптив физик культура белгеслектәре буйынса өҫтәмә рәүештә имтихан тапшыралар. Туризм белгеслеген һайлаусылар ҙа күп. Ул хәҙерге ваҡытта айырыуса көнүҙәк йүнәлеш булып тора.
– Абитуриенттар ҡасан һынау тота?
– Имтихандар физкультурниктар көнөндә 10 августа иртәнге сәғәт 10-да була. Был көндө уҡырға инеүселәрҙең физик сифатын өс баһа буйынса тикшерәбеҙ. Уҡырға инеү өсөн дөрөҫ рәүеш биреүсе рус теле һәм биология фәндәренән тыш, профессиональ йүнәлештәге өҫтәмә һынау буйынса билдә ҡуябыҙ. Йүгереү, оҙонлоҡҡа һикереү, ҡыҙҙар ерҙән күтәрелеү (отжимание), егеттәр турникта күтәрелеү буйынса һынау тотасаҡтар.
– Байрам уңайынан да әйтер һүҙҙәрегеҙ барҙыр...
– Беҙҙең уҡыу йортонан бихисап билдәле спортсылар сыҡҡан. Шул уҡ ваҡытта республиканың төрлө уҡыу йорттарында беҙҙең элекке студенттарыбыҙ үҙҙәре уҡытыусы булып эшләй. Беҙҙең төп маҡсатыбыҙ – сәләмәт һәм белемле йәш быуын тәрбиәләү. Спорт менән туранан-тура бәйләнеше булған колледж исеменән барлыҡ физик культура уҡытыусыларын, спортсыларҙы, ошо өлкәгә хеҙмәт иткәндәрҙе ҡотлайым һәм уңыштар теләп ҡалам!
– Әңгәмәгеҙ өсөн рәхмәт! “Сәләмәт тәндә – сәләмәт рух” тигән төшөнсә йәмғиәтебеҙҙең төп йәшәү рәүешенә әйләнһен ине, тигән теләктә ҡалайыҡ. Байрамығыҙ менән!
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57