Ашҡаҙар
+15 °С
Болотло
Бөтә яңылыҡтар
Суд эскәмйәһенән
10 Август 2019, 00:09

Кеше үлтереүсе хөкөм ителде

Өфөлә суд Стәрлетамаҡта йәшәгән йәш ир Максим Стародубовты вәхшиҙәрсә язалап үлтергән кешегё хөкөм сығарҙы. Ишембайҙа тыуып үҫкән 33 йәшлек ир үткән йыл июль айында үҙенең машинаһын һатырға тип сығып китә һәм әйләнеп ҡайтмай. Бер аҙ ваҡыт үткәс, уның бик күп йәрәхәттәр алған үле кәүҙәһен ҡала ситендә табалар. Тәфтишселәр асыҡлауынса, үлтереүсе Максимға шылтырата, үҙен һатып алыусы тип таныштыра һәм осрашыу урынын билдәләй.

Машинаны ҡарағанда ул, йәнәһе, машина трассала нисек йөрөй икән тигән булып, бер аҙ йөрөп килергә тәҡдим итә. Юлда китеп барғанда енәйәтсе авто хужаһына һөжүм итә һәм бысаҡ менән сәнскеләй. Зыян күреүсе ҡасырға маташып ҡарай, теге әҙәм аҡтығы уға көбәге киҫелгән мылтыҡтан (обрез) ата.
Ғәйепләнеүсе 16 йылға ҡаты режимға иркенән мәхрүм ителде, артабан ике йыл ирке сикләнелеләсәк. Енәйәтсе һәләк булған ирҙең ҡатынына һәм ике балаһына, мораль зыян килтергәне өсөн, 700 меңәр күләмендә компенсация түләргә мәжбүр ителгән.
Читайте нас: