Бухгалтер эш хаҡын үҙенә арттырып күсергән

Туймазы район-ара прокуратураһы коррупцияға ҡаршы көрәш өлкәһендә закондар үтәлешен тикшергән. 2020 йылдың октябренән 2021 йылдың авгусына тиклем, Үрге Троицк психоневрология интернаты бухгалтеры законды боҙоп, ай һайын үҙенең банк картаһына эш хаҡынан артығыраҡ аҡса күсереп ятҡан.

Ошо уҡ учреждениеның кадрҙар буйынса белгесе тарафынан башҡа кеше өсөн эшләп тороу һәм премиялау тураһында законһыҙ приказдар сығарылған. Әлеге хеҙмәткәрҙәр шул рәүешле 430 мең һум аҡсаны нигеҙһеҙ үҙләштергәндәр. Ошоға бәйле район-ара прокуратураһы тикшереү материалдарын енәйәти-хоҡуҡи баһалама биреү өсөн алдан тикшереү органдарына ебәргән. Уларҙы ҡарау һөҙөмтәләренән һуң “вазифаһын ҡулланып, мутлашыу” статьяһы буйынса енәйәт эше
ҡуҙғатылған. Беҙ тоҡто тишеп сыҡҡан.