+11 °С
Болотло
Бөтә яңылыҡтар
Тәбиғәт һәм беҙ
13 Декабрь 2018, 10:59
Сибайҙа экологик хәл киҫкенләште: комбинат карьерында мәғдән быҫҡый
Сибайҙа йәшәүселәр көкөрттөң ҡырҡыу еҫе таралыуы сәбәпле һаулыҡ торошоноң насарайыуына зарлана, кисен һәм төндә ҡалала көслө томан күҙәтелгән.
Экологик хәлдең ҡырҡа киҫкенләшеүе арҡаһында 11 декабрҙә төнгө сәғәт 11-ҙә ҡала хакимиәтендә карьер яғына барыу өсөн ғәҙәттән тыш хәлдәр буйынса комиссия йыйыу тураһында иғлан иткәндәр. Зарарлы ҡатнашмаларҙың концентрацияһын һәм халыҡ өсөн хәүефлелек кимәлен билдәләү өсөн һауаны тикшергәндәр.
12 декабрҙә иртән ҡала хакимиәтендә Сибайҙың янғын хәүефһеҙлеген тәьмин итеү һәм ғәҙәттән тыш хәл буйынса комиссия ултырышы уҙҙы.
«Кис көнө ҡаланың көньяҡ өлөшөндә көкөрт еҫе сыҡты. Сығанаҡ — тәрәнлеге 500 метрлыҡ һәм радиусы 1 саҡрымлыҡ карьер. Учалы тау-байыҡтырыу комбинатының Сибай филиалында хәбәр итеүҙәренсә, карьерҙа мәғдән яна. Был техноген процесс, бында кешенең ғәйебе юҡ», — тине Сибай хакимиәте башлығы Рөстәм Афзалов.
Карьер ун йылдан ашыу эшкәртелмәй, быға тиклем бындай күренештәр күҙәтелмәгән.
Сибай башлығы билдәләүенсә, иртәнге 10-сы 30 минутҡа алынған лаборатор тикшереүҙәр һауала зарарлы матдәләр күләме норманан ашмауын асыҡлаған.
«Ҡалала ғәҙәттән тыш хәл режимын индереү өсөн нигеҙ юҡ, ләкин яуаплы хеҙмәттәр һәм кешеләр юғары әҙерлек режимында», — тип белдерҙе Сибай башлығы.
Бынан алда Башҡортостан Республикаһы буйынса Роспотребнадзор идаралығы Сибайҙа йәшәүселәрҙең насар еҫкә зарланыуҙары тураһында хәбәр иткәйне. Тикшереүҙәр һөҙөмтәһендә һауала көкөрт-водородының күберәк булыуы асыҡланды. Башҡортостанда Гигиена һәм эпидемиология үҙәге филиалы лабораторияһы һауаны тикшереү эштәрен дауам итә.
http://www.bashinform.ru/news/1249848-v-sibae-ukhudshilas-ekologicheskaya-obstanovka-v-karere-kombinata-tleet-ruda/
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57