Йылғалар боҙҙан әрселә

Быйыл Башҡортостанда яҙғы ташҡын әллә ни көслө булмаясаҡ, тип фаразлай гидрологтар. Ул, ғәҙәттәгесә, апрель башында көтөлә. Һыу ташыу кимәле ғәҙәттәгенән 10 процентҡа түбәнерәк буласаҡ.

Күп йыллыҡ күҙәтеүҙәрҙән күренеүенсә, республиканың далалы көньяҡ-көнбайыш ра-йондарында ҡар иртәрәк ирей, таулы-урманлы яҡтарҙа иһә ҡар оҙағыраҡ ята.

Әлеге ваҡытта йылғаларҙағы боҙҙоң ҡалын-лығы 27-65 сантиметр тирәһе, был норманан 10-45 сантиметрға кәмерәк. Уртаса тәүлек тем-ператураһы күтәрелеүгә бәйле, күп йылғаларҙа хәҙер әкренләп боҙ ҡатламы ишелә башланы, йырындар, уйымдар барлыҡҡа килә, боҙ ҡарая, һыу өҫтөнә шәре ҡалҡып сыға.

Урал йылғаһы быйыл 2-3 көнгә ғәҙәттәге ваҡытынан алданыраҡ – 1-6 апрелдә боҙҙан әрселә. Ағиҙелдә, ғәҙәттә, боҙ китеү 9-12 апрелдә күҙәтелә. Унда һыу ташыу ваҡыты 25 марттан һуң тулыһынса билдәле буласаҡ.

Ағиҙел йылғаһының Стәрлетамаҡ тәңгәлендә һыу күтәрелеү кимәле 374 сантиметрҙан артмая-саҡ. Был уртаса алынған ғәҙәттәге норманан 7 сантиметрға түбәнерәк буласаҡ тигән һүҙ.

Шул уҡ ваҡытта яҙғы ташҡын осоронда 80 меңдән ашыу кеше йәшәгән 257-гә яҡын ауылды һыу баҫыуы ихтимал, тип иҫкәртәләр БР Ғәҙәттән тыш хәлдәр министрлығынан.

Ташҡын осоронда ваҡытлыса урынлаштырыу өсөн 117 меңдән ашыу кеше һыйҙырырлыҡ 491 пункт, 20 һәм 100 кеше һыйҙырышлы ике мобиль пункт әҙерләнгән.

Р. САФИНА.

Теманы дауам итеп,

Ҡарҙар иреүе һәм ямғырҙар Сибайҙағы проблемалы карьерҙы һыу аҫтында ҡалыуҙы тиҙләтә.

Әле һыу кимәле 1,7 метрға тиклем күтәрелгән. Контроль нөктәгә етер өсөн 14 метр ҡалған. Сибайҙағы карьерҙы күмеү планы 82 процентҡа үтәлгән. Йылы ямғырлы һауа торошо соҡорҙо тултырыуҙы тиҙләтеүе ихтимал.

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.

Баш мөхәррир

Мансуров Рәмил Ғәбдрәшит улы.

Телефон

Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73

Электрон почта

[email protected]

Адресы

453124, РБ, г. Стерлитамак, ул. Комсомольская, 82

Реклама хеҙмәте

(347) 325-18-57

Редакция

(347) 325-18-57

Ҡабул итеү бүлмәһе

(347) 325-18-57

Хеҙмәттәшлек

(347) 325-18-57