Бөтә яңылыҡтар
Тәбиғәт һәм беҙ
29 Март 2019, 13:16

Март епшек ҡар, ямғыр һәм көслө ел менән тамамлана

Башҡортостанда яҙҙың тәүге айы ҡышҡыса һалҡын көндәр менән тамамлана. Алдағы өс көндә синоптиктар ямғыр, ҡар, көслө ел фаразлай. Йома, 29 мартта, республикала көндөң аяҙлы-болотло булыуы көтөлә. Урыны менән бер аҙ ямғыр һәм ҡар яуыуы күҙаллана. Ел төньяҡтан, йүнәлешен көньяҡҡа үҙгәртеүсән, тиҙлеге секундына 2-7 метр, көндөҙ ҡапыл иҫеүе мөмкин. Һауа температураһы төндә -1,-6, көндөҙ +2, +7 градус була. Юлдарҙың айырым участкаларында төндә һәм иртән томан, боҙлауыҡ көтөлә.
Шәмбе, 30 мартта, урыны менән бер аҙ епшек ҡар, көндөҙ ҡар ҡатыш ямғыр яуа. Ел көнбайыштан, көньяҡ-көнбайыштан талғын, көндөҙ көсәйеүсән. Термометр бағанаһы төндә -1,-6, аяҙытҡанда -11 градусҡаса түбәнәйә, көндөҙ 0,+5.
Йәкшәмбе, 31 мартта, бер аҙ епшек ҡар, көндөҙ ҡар ҡатыш ямғыр, еңелсә боҙлауыҡ фаразлана. Ел көньяҡ-көнбайыштан талғын, ҡайһы саҡта көсәйеүсән. Һауа температураһы төндә 0,-5, көндөҙ +1,+6.
http://www.bashinform.ru/news/1290779-v-bashkirii-mart-zavershitsya-mokrym-snegom-s-dozhdem-i-silnym-vetrom-/
Читайте нас в