Ашҡаҙар
+23 °С
Болотло
Бөтә яңылыҡтар
Тәбиғәт һәм беҙ
9 Ғинуар 2020, 18:10

Ҡотҡарыусылар Ағиҙел йылғаһында боҙҙоң йоҡа булыуы хаҡында иҫкәртә

Быйыл ҡыш йылға-күлдәрҙә боҙҙоң ҡалынлығы хәүефле. Республиканың Ғәҙәттән тыш хәлдәр буйынса дәүләт комитеты хеҙмәткәрҙәре шул хаҡта иҫкәртә һәм һыу ятҡылыҡтары буйлап рейдтарын дауам итә.

Өфөлә Дуҫлыҡ монументы янындағы Ағиҙел йылғаһында ул 20 сантиметрға етә, ләкин йылға уртаһында ни бары 8 сантиметр. Боҙҙоң ҡалынлығы 10 сантиметрҙан кәм булмаған осраҡта ғына кеше өсөн хәүефһеҙ һанала.
Ҡотҡарыусылар һүҙҙәренсә, был балыҡсыларҙы ҡурҡытмай.
Ныҡ туңмаған боҙҙан йөрөү өсөн берҙән-бер хәүефһеҙ техника төрө – һауа мендәрендәге судно. Уның менән ҡыҫҡа ваҡыт эсендә ярҙамға мохтаждар янына барып етергә мөмкин. Бындай катерҙың максималь тиҙлеге –сәғәтенә 90 саҡрым.
2020 йылдың тәүге көндәрендә һыу ятҡылыҡтарында фажиғәләр теркәлмәгән.
Башинформ.
Читайте нас: