+30 °С
Облачно
Тәбиғәт һәм беҙ
10 Февраля 2021, 10:05
Яҙ иртә килмәксе
Ҡышҡы селлә һыуығы сигенә башланы буғай. Февраль дә ғинуар ағаһынан ҡалышмай, һыйыр мөгөҙөн һындырмаһа ла, биттәрҙе семетеп алды. Ни тиһәң дә, февралдең бишенә тиклем - ҡышҡы селлә, ә унан һуң 12 көн хут тигәне лә бар бит әле. “Хут – күҙеңә ут” тигән боронғолар. Йәғни, уныһы селләнән дә арттырып ебәрә. Нисек кенә булмаһын, февраль – ул берсә шаҡырайтып ҡуйып һыуытып, берсә шашып-шашып буранлап, берсә ямғыр яуҙырып алдаштырып ала ла, беҙҙе яҙға әҙерләй башлай.
Айҙың икенсе аҙнаһы ысын ҡыш айындағыса була: һауа температураһы көндөҙ -14, -16 градус, төндә -18, -20, аяҙытҡанда -30-ға уҡ төшөп китә. Тышта һыуыҡ булыуға ҡарамаҫтан, яуым-төшөм дә булып алыр – ҡайһы бер райондарҙа бер аҙ ҡар яуып үтер.
20 февралдән республикаға йәнә аномаль йылы килә – термометр бағанаһы ни бары - 2 градус күрһәтәсәк, көндәр буйы ҡар яуып торасаҡ, ә төндә - 9 градусҡа тиклем һыуытасаҡ. Февралдең бындай ҡылығы ай бөткәнсә барасаҡ – уртаса һауа температураһы - 3 градус тирәһе буласаҡ һәм плюс менән минус араһында «һикерәсәк».
20 февралдән республикаға йәнә аномаль йылы килә – термометр бағанаһы ни бары - 2 градус күрһәтәсәк, көндәр буйы ҡар яуып торасаҡ, ә төндә - 9 градусҡа тиклем һыуытасаҡ. Февралдең бындай ҡылығы ай бөткәнсә барасаҡ – уртаса һауа температураһы - 3 градус тирәһе буласаҡ һәм плюс менән минус араһында «һикерәсәк».
Әгәр ҙә метеорологтарҙың был фаразына ышанһаҡ, 2021 йылғы яҙ иртә килә тигән һүҙ, март башында уҡ тамсы йырлай башлаясаҡ.
Роза ҠОБАҒОШОВА
