+24 °С
Болотло
Тәбиғәт һәм беҙ
9 Апрель 2021, 06:30
Башҡортостанда йылғалар таша башлаған
Башҡортостанда Башгидрометүҙәк белгестәре Өршәк һәм Әй йылғаларының ҡапыл ташыуын теркәгән. Ляхов ауылы янында тәүлек эсендә һыу кимәле 178 сантиметрға күтәрелгән, әлеге ваҡытта – 323 сантиметр. 540 сантиметрға еткән осраҡта, туғайҙы һыу баҫыуы көтөлә, тиелә республика Ғәҙәттән тыш хәлдәр буйынса дәүләт комитетының рәсми белдереүендә.
«Мәтәле ауылы эргәһендәге Әй йылғаһының тәүлек эсендә 127 сантиметрға күтәрелеүе теркәлгән, хәҙер уның кимәле – 412 сантиметр. 690 сантиметрға етһә, туғай һыу аҫтында ҡала. Дим йылғаһында һыу кимәле 77 сантиметрға күтәрелеп, 319 сантиметр тәшкил иткән», — тип билдәләнеләр ведомствола.
Ҡотҡарыусылар әйтеүенсә, йорттарға һыу баҫыу хәүефе янамай.
Башинформ.
Фото яндекс.
