+24 °С
Облачно
Тәбиғәт һәм беҙ
16 Июня 2021, 10:15
Лимонарийҙа өлтөк ҡарағас үҫентеһен тәрбиәләйҙәр
Хәтерләйһегеҙҙер, былтыр билдәһеҙ кешеләр Ҡужан ҡарағастары олонон яртылаш бысып киткән ине. Ағастарға һалынған яраны, бар халыҡ үҙенекеләй ҡабул итте. Шулай ҙа был ваҡиғаларҙың ыңғай дауамы бар.
Боронғо ағастарҙың киләсәге бар, өлтөк ҡарағас үҫентеһен Өфө лимонарийы тәрбиәгә алған. Уны Әбйәлил районындағы шәхси хужалыҡ вәкилдәре биргән. Үҫентегә өс йыл, ул ерһенеп яҡшы үҫеп киткән.
Тәбиғәттең үҙенсәлекле күренеше булып торған ағастарға ҡарата вандализм актынан һуң, уларҙы һаҡлап ҡалыу өсөн төрлө юлдар эҙләйҙәр. Экологтарҙы хуплап Өфө лимонарийы ҡарағастарҙың төрөн ишәйтеү өсөн үҫентеләрҙән ағас үҫтереп алырға ниәтләгән.
