+24 °С
Болотло
Тәбиғәт һәм беҙ
29 Июнь 2021, 09:27
Республикала һауа +37 градусҡаса йылына
Башҡортостанда алдағы көндәрҙә ныҡ эҫе була. Синоптиктар фаразынса, шишәмбе, 29 июндә, урыны менән ҡыҫҡа ваҡытлы ямғыр, йәшен.
Ел көньяҡ-көнсығыштан талғын, йәшен ваҡытында көсәйеүсән. Һауа температураһы көндөҙ 31-36 градус була.
Шаршамбы, 30 июндә, урын менән бер аҙ ямғыр яуа, көндөҙ йәшен. Ел йүнәлешен үҙгәртеүсән, йәшен йәшнәгәндә елдең көсәйеүе ихтимал. Температура төндә 17-22, көндөҙ 32-37 градус.
Кесаҙна, 1 июлдә, урыны менән ҡыҫҡа ваҡытлы ямғыр, йәшен, урыны менән ҡойма ямғыр, боҙ-борсаҡ. Ел йүнәлешен үҙгәртеүсән, урыны менән көсәйеүсән. Һауа температураһы төндә 18-23, көндөҙ 29-34 радус булыуы көтөлә.
Башинформ.
