Башҡортостан аша үткән федераль трассаларҙы ҡарҙан таҙартыуға 100-гә яҡын берәмек техника йәлеп ителгән. “Приуралье” автомобиль юлдары идаралығынан хәбәр итеүҙәренсә, М-5 “Урал” һәм М-7 “Волга” трассаларында һепертмә буран күҙәтелә, юл насар күренә. Дежур-диспетчер хеҙмәте тәүлек әйләнәһе эшләй. Уның телефоны: 8-347-286-07-18. Өфөлә һауа шарттарына бәйле ике рейс тотҡарлана, береһе бөтөнләй осмай. Транспорт һәм юл хужалығы министрлығынан шул турала белдерәләр. Аэропорттан хәбәр итеүҙәренсә, Екатеринбург, Норильск һәм Яңы Уренгойҙан килгән самолеттар рейстары шулай уҡ кисектерелә.ъ
Фото яндекс.
Баш ньюс.