Башҡортостан Башлығы республикала янғындарға бәйле хәлде күҙ уңынан ысҡындырмаҫҡа ҡушты

«Һеҙ яңылыҡтар ҡарайһығыҙ бит, ҡайһы бер төбәктәрҙә янғындар ҡотора. Бәләкәй генә усаҡтан башланған, ә аҙаҡтан уны һүндереү өсөн туғыҙ мең кеше йәле ителгән. Көндәр эҫе тора, үләндәр ҡоп-ҡоро. Мин хәлде контролгә алыуҙы һорайым. Хәҙер бөтә көстө шуға йүнәлтергә кәрәк, ордендар, миҙалдар, отпускылар аҙаҡ. Хәҙер сараһын күрегеҙ! Бер тапҡыр янғынға юл ҡуйһағыҙ — һүндереп булмаҫ, — тип белдерҙе төбәк етәксеһе. — Иҫемдә, Күгәрсен районында бер йорт янғайны, мин ул саҡта район башлығына ныҡ үпкәләнем, ныҡ итеп әрләнем. Әгәр бының менән алданыраҡ  шөғөлләнһәк, янғындарыҙ булдырмаҫҡа мөмкин. Был бик мөһим. Ҙур янғындарға юл ҡуймағыҙ, әгәр тынысланһаҡ, бәлә килерен көт тә тор».

Бынан алда «Башинформ» Ейәнсура һәм Йылайыр райондарында дөйөм майҙаны 1,8 гектар тәшкил иткән ике урман янғынын һүндереүҙәре хаҡында хәбәр иткәйне. Кисә Белорет районында 0,31 гектар майҙанда урман янғыны асыҡланған һәм тиҙ арала һүндерелгән.

Башинформ.