Сүп-сарҙан ҡотолор өсөн 70 миллиард һум кәрәк

“Округта ил Президенты Владмир Путин ҡуйған күрһәтмәләрҙе үтәү нигеҙендә ҡаты ҡалдыҡтарҙы сорттарға бүлеү 7,4 миллион тонна, ә утилләштереү 2,9 миллион тонна тәшкил итергә тейеш. Бының өсөн 70 миллиард һум аҡса кәрәк”, - ти Хөкүмәт рәйесе урынбаҫары.

Чиновник белдереүенсә, 2021 йылда ғына ла беҙҙең округта 9 миллион тонна сүп-сар йыйылған. Шул уҡ ваҡытта былтыр эшкәртеүгә 3,5 миллион тонна ҡаты ҡалдыҡ тапшырылған, 05, тоннаһы юҡ ителгән. Нисек кенә булмаһын, йыл йомғаҡтары буйынса ҡаты ҡалдыҡтарҙы сорттарға беүлеү 39 проценттан артҡан, план – 26,2 процент.

Абрамченко билдәләүенсә, ҡаты ҡалдыҡтар буйынса реформалар йәһәтеннә округта Түбәнге Новгород өлкәһе күрһәткестәре иң яҡшыһы. Шул уҡ ваҡытта сүпте сорттарға белеү буйынса Һарытау, Һамар өлкәләре һәм Пермь крайы алда бара. Эштәр ошолай етдилектә барһа, 2024 йылға ҡаты ҡалдыҡтарҙың яртыһы сортировка үтәсәк, ә 2030 йылда барлыҡ сүп өйөмдәре сорттарға бүленәсәк. Әлбиттә, бындай күрһәткестәргә эй әбулыр өсөн Удмуртия, Ульяновск, Кииров өлкәләре ҡаты ҡалдыҡтар менән эш итеүгә яуаплыраҡ ҡарарға тейеш.

Волга буйы федераль округта йәмғеһе 412 мең сүп контейнеры ҡуйылған, шул иҫәптән 32 мең контейнерға сүп-сар сорттарға айырып йыйыла. 202 йылда РФ Хөкүмәте округтың 8 төбәгендә контейнерҙар алыу өсөн 360 миллион һум бүлергә планлаштыра. Аҡсалата ярҙам алыусылар араһында Башҡортостан да бар.
Әйткәндәй, 2024 йылға “Экология” милли проекты сиктәрендә илдә сүп-сарҙы эшкәртеү, урынлаштырыу һәм утилләштереү буйынса өр яңы һәм заманса 220 коплекс төҙөргә уйлайҙар. Был объекттар йыйылған сүптең 100 процентын эшкәртергә, сорттарға бүлергә һәм шуның 50 процентын һаҡлауға ҡуйырға мөмкинлек бирәсәк.

#Миллипроекттар

Рәмил МАНСУРОВ.