Байрам көндәрендә республикала -13 градусҡаса һыуытасаҡ

Башгидрометүҙәк мәғлүмәттәренә ярашлы, бөгөн, 3 ноябрҙә, республикала бер аҙ ҡар яуыуы көтөлә. Юлдарҙа боҙлауыҡ. Ел төньяҡтан талғын. Һауа температураһы көндөҙ -4, +1 градус.

Йома, 4 ноябрҙә, урыны менән бер аҙ ҡар яуыуы мөмкин. Ел төньяҡтан талғын. Һауа температураһы төндә -4, -9, аяҙытҡанда -13-кә тиклем, көндөҙ -4, +1 градус.

Шәмбе, 5 ноябрҙә, шулай уҡ бер аҙ ҡар яуыуы, юлдарҙың айырым участкаларында боҙлауыҡ булыуы ихтимал. Ел төньяҡтан, төньяҡ-көнбайыштан талғын. Һауа температураһы төндә -3, -8, аяҙытҡанда -13-кә тиклем, көндөҙ -4, +1 градус.

Башинформ.