Ашҡаҙар
+23 °С
Болотло
Бөтә яңылыҡтар
Тәбиғәт һәм беҙ
21 Июнь 2023, 11:30

Йәй башынан Өфөнөң меңдән ашыу уҡыусыһы туристик походҡа барған

Өфөлә йәйге каникул башланғандан алып меңдән ашыу уҡыусы туристик походҡа барып ҡайтҡан, тип белдерҙеләр ҡала мэрияһындағы оператив кәңәшмәлә.

Йәй башынан Өфөнөң меңдән ашыу уҡыусыһы туристик походҡа барған
Йәй башынан Өфөнөң меңдән ашыу уҡыусыһы туристик походҡа барған

Баш ҡала хакимиәтенең мәғариф идаралығы начальнигы Азат Батыршин билдәләүенсә, июнь айында балалар Шүлгәнташ мәмерйәһендә, Ирәмәл тауында һәм Ҡыҙылташ ҡаяһында булырға, Көньяҡ Урал — Ағиҙел, Йүрүҙән, Әй йылғалары буйлап сәйәхәткә сығырға өлгөргән.

«Туристик оҫталыҡ мәктәбе» программаһы сиктәрендә уҡыусылар уҡыу-тикшеренеү һәм эҙләү экспедицияларында ҡатнаша, махсус полигонда шөғөлләнә һәм спелеотуризм техникаһында оҫталыҡтарын арттыра», — тине ул.

Спорт һәм хәрби-патриотик йүнәлештәге йыйындар, профилле сменалар айырыуса популярлыҡ яулай, тип өҫтәне чиновник. Мәҫәлән, ҡала ситендәге «Йәйғор» лагерында 15-се тапҡыр «Рәсәй гвардияһы» сменаһы ойошторола, ә йәйҙең тәүге айынан социаль хәүеф төркөмөнә ҡараған үҫмерҙәр өсөн хәрби-тарихи лагерь эшләй башланы.

Башинформ.

Йәй башынан Өфөнөң меңдән ашыу уҡыусыһы туристик походҡа барған
Йәй башынан Өфөнөң меңдән ашыу уҡыусыһы туристик походҡа барған
Автор:
Читайте нас: