Бөтә яңылыҡтар
Төҙөкләндереү
14 Август 2019, 16:21

Технопарк буласаҡ

Технопарк буласаҡСтәрлетамаҡ ҡала хакимиәте башлығы урынбаҫары Юрий Тротт социаль селтәрҙәрҙә Стәрлетамаҡта технопарктарҙы үҫтереү тураһында уйҙары менән бүлеште.

Әлеге ваҡытта “Кесе һәм урта эшҡыуарлыҡ һәм шәхси эшҡыуарлыҡ инициативаһына ярҙам” милли проекты сиктәрендә РФ Иҡтисади үҫеш министрлығы 2020 йылда индустриаль парктарҙы үҫтереү һәм булдырыуға федераль бюджеттан субсидиялар алыуға конкурс уҙғара.
“Бөгөн предприятиелар менән бергәләп 2020 йылда конкурста ҡатнашыу өсөн заявкалар һәм документтар пакеты әҙерләү буйынса саралар планын тикшерҙек. Үҫешкә заявканы “Велес” индустриаль паркы әҙерләй, шулай уҡ элекке “Строймаш” һәм “Күн-аяҡ кейемдәре” предприятиелары базаһында технологик парк ойоштороу планлаштырыла, “Авангард” федераль предприятиеһы территорияһында индустриаль парк булдырыу мәсьәләһе ҡарала. Был юҫыҡта алда ҙур эштәр тора, конкурста ҡатнашыу өсөн 2020 йылдың ғинуарында уҡ алдан заявкалар һайлап алынасаҡ”, – тип хәбәр итә хакимиәт башлығы урынбаҫары.
Р. ЗАМАНОВА.
Читайте нас в