Бына күптән түгел Төҙөүселәр урамындағы яңы кәртәләрҙең металлолом, сүп-сарға әйләнәсәген еткергәндәр. Был зыянға кем яуап бирәсәк, тип һорағандар. Шулай инде: көҙ ҡуйҙылар, матурлыҡты күреп тә туйманыҡ, ҡыш ҡар аҫтында ҡалып, яҙын эштән сыҡты. “Ошо һынған кәртәнең 1 метры күпмегә төшә икән?” - тип һораған яҙған кеше.
Күп тә үтмәне, был һорауға яуап та килде: “Ҡышын юлдарҙы таҙартыуға бәйле, полимер кәртәләрҙең аҫҡы металл өлөшөнә зыян килгән. Уңайлы шарттар тыуыу менән подрядсы ойошма уларҙы тергеҙәсәк, тик был хәл 2020 йылдың 15 апреленән дә алда булмаясаҡ”, - тип яуап биргән төҙөлөш бүлеге начальнигы Марат Кинйәбаев.
Әйткәндәй, һәр кем үҙен борсоған мәсьәләләрҙе “Инцидент” системаһы аша тиҙ арала хәл итә ала.