Бөтә яңылыҡтар
Тура бәйләнеш
16 Октябрь 2018, 13:33

Хоҡуҡтарығыҙҙы «ҡыҙыу линия» аша аңлатырҙар

Рәсәй Эске эштәр министрлығының Стәрлетамаҡтағы идаралығында «Хоҡуҡи белемлелек ҡыҙыу линияһы» телефоны эшләйәсәк.

Уның эшмәкәрлеге Башҡортостан ҡа-лалары һәм райондары буйынса Рәсәй Эске эштәр министрлығының бөтә территориаль органдарында ла ойошторолған. Система граждандарға эске эштәр органдары хеҙмәткәрҙәре һәм Рәсәй Эске эштәр министрлығының хоҡуҡи эш өлкәһенә ҡараған хеҙмәткәрҙәре тарафынан аңлатма биреү өсөн тәғәйенләнгән.
Граждандарҙың хоҡуҡи белемлелеге менән идараның хоҡуҡи подразделение хеҙмәткәре шөғөлләнәсәк. Улар норма-ижади эшмәкәрлек, хоҡуҡи контроль, суд-дәғүә эше, мәғлүмәти-хоҡуҡи эшмәкәрлек, эске эштәрҙең ойоштороу-хоҡуҡи эше мәсьәләләре буйынса консультация бирәсәк.
Ҡыҙыу линия 8 (3473) 20-45-72 телефоны буйынса һәр айҙың 5-ендә (эш көнөндә) иртәнге сәғәт 10-дан киске 6-ға тиклем ойоштороласаҡ.
Читайте нас в