+2 °С
Болотло
Бөтә яңылыҡтар
10
Йәмғиәт
22 Февраль 2019, 14:08
Тормош матурайыр
Рәсәй Президенты Владимир ПУТИН Федераль Йыйылышҡа Мөрәжәғәтнамә менән сығыш яһаны. Донъя кимәлендәге хәлдәр буйынса ғына түгел, уның сығышында илдең эске сәйәсәтенә, үҫешенә лә ҡағылышлы өмөтлө фекерҙәр яңғыраны. Владимир Владимирович халыҡтың социаль хәлен еңеләйтеү, ҡалалар һәм ауылдарҙы үҫтереү, һаулыҡты, экологияны яҡшыртыу буйынса ҙур бурыстар ҡуйҙы. Ҡайһы бер тезистарҙы һеҙҙең иғтибарға ла тәҡдим итәбеҙ.
– 2020 йылдың 1 ғинуарынан беренсе һәм икенсе балаға түләүҙәр планкаһын ике йәшәү минимумына тиклем күтәреү, 2019 йылдың 1 июленән инвалид балаларҙы ҡарау буйынса пособиеларҙы 10 мең һумға тиклем арттырыу;
– ипотека ставкаһын 9 процентҡа тиклем, ә һуңынан 8 процентҡа ҡәҙәр кәметеү, өсөнсө һәм артабанғы балаһы тыуған ғаиләләрҙең 450 мең һум ипотека бурысын ҡаплатыу;
– 2021 йылдың аҙағынаса яслеләр мәсьәләһен тулыһынса хәл итеү, 2021 йылға тиклем 200 меңдән ашыу урын булдырыу, 90 мең урынды быйыл уҡ булдырыу;
– 2020 йылдан «Ауыл уҡытыусыһы» программаһын тормошҡа ашыра башлау, ауылдарға һәм бәләкәй ҡалаларға күскән уҡытыусыларға бер миллион һум аҡса түләү, “Ауыл табибы” программаһының йәшен сикләмәү;
– онкологик сирҙәр менән көрәшкә киләһе алты йылда 1 триллион һумдан ашыу аҡса йүнәлтеү;
– ике йыл эсендә ҡалалар янында 30 проблемалы эре сүплектәрҙе бөтөрөү һ.б.
– микрокредитлау өлкәһендә тәртип урынлаштырыу;
– килемдәрен юғалтыусыларға “ипотека каникулдары” булдырыу;
– бизнесты ҡыҫымға алыу осраҡтарын фашлаған һанлы платформа булдырыу һ.б.
Читайте нас:
