Йәштәр советына кандидаттар кәрәк

Йәштәр советы 13 ағзанан тора, уларҙың 7-һе конкурс һайлауы аша үтә. Әгәр ҙә һин әүҙем һәм ҡала үҫешенә өлөш индерергә теләйһең икән, тимәк, һинең дә быға мөмкинселегең бар.

Конкурс ике өлөштән тора, тәүгеһендә анкета тултырып, социаль йәки норматив-хоҡуҡ акттарына бәйле проектыңды һүрәтләргә кәрәк буласаҡ. Махсус форма буйынса тултырылған документтар 13 майға тиклем электрон рәүештә [email protected] йәки Октябрь проспекты, 32 (209 каб.) адресы буйынса ҡабул ителәсәк. Конкурстың икенсе өлөшөндә һайлап алынған кандидаттар әңгәмә үтәсәк. Тулыраҡ мәғлүмәтте sovet.sterlitamakadm.ru һәм sterlitamakadm.ru сайттарында таба алаһығыҙ.