-25 °С
Болотло
Бөтә яңылыҡтар
Йәмғиәт
26 Апрель 2019, 13:13
Һәр һалдат – йөрәк түрендә
Стәрлетамаҡта Бөйөк Ватан һуғышы ветерандарының фотоһүрәттәрен ҡала урамдарында урын-лашҡан видеоэкрандарҙан күрһәтәсәктәр.
2019 йылдың 8 майынан 10 майға тиклем Ылыҫлы һәм Артем урамдары киҫешкән урындағы урам экранында Бөйөк Ватан Һуғышында ҡатнашыусыларҙы күрергә мөмкин буласаҡ. Был хаҡта видеоэкран хужаһы – “Инвестрайстройзаказчик” хәбәр итә.
Әйткәндәй, Бөйөк Ватан һу-ғышында ҡатнашыусы туғандарының фотоһын irsz@inbox.ru. почтаһына һәр кем ебәрә ала.
“9 майҙа һуғыштың иң ауыр тәүге көндәрендә ҡамауҙа ҡалып, һуңғы патрондарына тиклем һуғышҡандарҙы, баҫып алыусыларҙы ерҙә лә, күктә лә дөмбәҫләүселәрҙе, азат ителгән совет ҡалалары урамдары буйлап Еңеү маршы менән үтеүселәрҙе, илде ҡотҡарыусыларҙы иҫкә алабыҙ, көрәшселәрҙең батырлығы алдында баш эйәбеҙ. Ошо бурысты беҙ әлеге ысул менән дә атҡарырға ҡарар иттек”, – тиелә “Инвестрайстройзаказчик” хәбәрендә.
Р. ҒӘЛИМОВА
әҙерләне.
Новости партнеров