Бөтә яңылыҡтар
Йәмғиәт
14 Август 2019, 01:03

Мәктәпкә йыйынырға ярҙам ит

Башҡортостанда “Мәктәпкә йыйынырға ярҙам ит” хәйриә акцияһы бара. Уның барышында күп балалы, аҙ-тәьмин ителгән ғаиләләрҙә тәрбиәләнгән, йәки инвалид, ата-әсә ҡарауынан мәхрүм ҡалған балаларға уҡыу кәрәк-яраҡтары йыйыла.Акция 31 августҡа тиклем дауам итә.

Әйберҙәр социаль приюттарҙа, балалар йорттарында, шулай уҡ Ғаиләгә һәм балаға социаль ярҙам күрһәтеү район-ара үҙәктәрендә ҡабул ителә. Ошондай учреждениелар әлегә 8 урында эшләй. Улар Балаҡатай, Тәтешле, Белорет, Дүртөйлө, Ишембай, Стәрлетамаҡ райондарында, Сибай һәм Октябрский ҡалаларында асылды. Былтыр “Мәктәпкә йыйынырға ярҙам ит” хәйриә акцияһы барышында 7 миллион һумға төрлө әйберҙәр, кәрәк-яраҡтар тупланды.
Мәҡәлә gtrk.tv сайтынан алынды.
Читайте нас в