Луганск өлкәһендә эҙәрмәндәр 112-се Башҡорт атлы кавалерия дивизияһына бәйле ҡаҙылма эштәрен алып бара

Луганск өлкәһендә 112-се Башҡорт атлы кавалерия дивизияһы менән бәйле артефакттарҙы эҙләйҙәр. Ҡаҙыныу эштәрендә Башҡортостан эҙәрмәндәре лә ҡатнаша. Был турала gtrk.tv хәбәр итә. Ҡаҙыныу эштәре өсөн Антрацит районы осраҡлы ғына һайланмаған. Тап ошо ерҙәрҙә 1943 йылдың февралендә барған ҡаты бәрелештәрҙә данлыҡлы дивизия ҙур юғалтыуҙар кисерә. Эҙләнеүҙәр менән генә сиклнмәй эҙәрмәндәр, улар шулай уҡ Бөйөк Ватан һуғышында һәләк булған һалдаттар иҫтәлегенә ҡуйылған һәйкәлдәрҙе лә яңырта. Планда Башҡорт атлыларына арналған тағы бер нисә мемориалды тергеҙеү. Был эштәрҙе 2024 йылға тиклем башҡарыу маҡсаты ҡуйылған.