-12 °С
Болотло
Бөтә яңылыҡтар
Йәмғиәт
21 Декабрь 2019, 19:40
ИКЕ АЙЛЫҠ СИРАТТЫ «ИНЦИДЕНТ-МЕНЕДЖМЕНТ» ХӘЛ ИТКӘН
«Инцидент-менеджмент» системаһы Благовещен дауаханаһындағы сират мәсьәләһен хәл иткән. Хәл ваҡиғалар эхокардиография аппаратының сафтан сығыуы менән бәйле башлана, быға бәйле тар белгес кабинетта бер сәғәт ваҡытҡа ғына УЗИ кабинетында ҡабул итеүҙәр ойоштора. Поликлиникала эхокардиография тикшереүе үтеүгә сират барлыҡҡа килеүгә бәйле, социаль селтәрҙәрҙә лә халыҡ мөрәжәғәттәре арта бара, быны «Инцидент-менеджмент» системаһы ла теркәй, тип хәбәр итә bash.news.
Салауат Ғарипов, Башҡортостан Башлығы хакимиәте ҡарамағындағы социаль селтәрҙәрҙә граждандар мөрәжәғәте буйынса эшсе төркөм хеҙмәткәре: “Радий Фәрит улына Благовещен ҡалаһында йәшәүсе мөрәжәғәт итте. Ул табиптарға күренеү өсөн ике айлап ваҡыт үтеүгә зарлана. Бының сәбәбен төбәктең һаулыҡ һаҡлау министрлығы менән берлектә бик тиҙ асыҡланыҡ, проблеманы хәл иттек. Һаулыҡ һаҡлау учреждениеларында пациенттарҙы ҡабул итеү ваҡытын кәметеп, сират бөтөрөлдө”.
Благовещен үҙәк район дауаханаһы поликлиникаһында сиратты кәметеү маҡсаты менән мобиль бригадалар эшҡа ҡушыла. Фельдшер-акушерлыҡ пункты булмаған ауылдарға «Паз» автобусы ебәрелә. Транспорт сараһы ЭКГ аппараты, дефибриллятор, гинекология креслоһы һәм реанимация сараларын башҡарыуға йүнәлтелгән ҡорамалдар менән тәьмин ителгән. Бында ҡан баҫымын, шәкәр, холестерин, глюкоза кимәлен дә белергә мөмкин. Күсмә ФАП район ауылдарына аҙнаһына ике тапҡыр сыға.
Яңыраҡ «Инцидент-менеджмент» системаһында эшләүсе биләмәләрҙең рейтингы төҙөлә, ун бер айлыҡ эш һөҙөмтәһе буйынса благовещендар лидерҙар рәтендә. Шулай уҡ Стәрлетамаҡ, Сибай ҡалалары, Мәләүез, Туймазы һәм Иглин райондарында ла чиновниктарҙың халыҡ менән тығыҙ һәм уңышлы хеҙмәттәшлек итеүе билдәләнде. Республикала йәшәүселәр социаль селтәрҙәр аша мөрәжәғәттәр ҡалдырыуҙы үҙ итә. Был ысул, ысынлап та, уңайлы. Сөнки электрон хаттар адресаттарын тиҙерәк таба, проблемалар ҙа оператив рәүештә хәл ителә.
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57