Бөтә яңылыҡтар
Йәмғиәт
12 Февраль 2020, 22:49

ТЕХОСМОТРҘЫ ВИДЕОҒА ТӨШӨРӨРГӘ

Эске эштәр министрлығы июндән башлап транспортты техник тикшереү барышында (техосмотр) фотоға ғына түгел, видеоға ла төшөрөп теркәү тәҡдимен индерә. Техник тикшереү үткәреү тәртибе тураһындағы ҡарарға тейешле үҙгәрештәр проекты норматив-хоҡуҡи акттар проекттары парталында баҫылып сыҡты. Был турала РИА Новости хәбәр итә.

Ведомство был тәҡдим менән сығып техниканы тикшереү процессын камиллаштырыуға ниәтләй. Техниканы тикешереү үтеү тураһындағы мәғлүмәтте фальсификациялау осраҡтарын булдырмау һәм автомобилдәрҙең техник торошона сифатлы тикшереү тьәмин итеү, проекттың маҡсаты булып тора.
Эске эштәр министрлығы фекеренсә, был алым авариялар процентын кәметергә мөмкинлек бирәсәк.
Техник тикшереүҙе мәжбүри фото төшөрөү тураһындағы закон быйыл 8 июндән үҙ көсөнә инә. Уны үткәреүҙе контролдә тотоу вәкәләттәре Эске эштәр министрлығына йөкләнгән.
Читайте нас в