-25 °С
Болотло
Бөтә яңылыҡтар
Йәмғиәт
9 Апрель 2020, 18:05
Ауырыусылар арта
Коронавирус менән ауырыусылар һаны көндән-көн йылдам арта. Шулай ҙа донъяла пандемия йәйгә табан кәмейәсәк тип фаразлай эксперттар. Рәсәйҙә иһә сирлеләрҙең һаны артыу тағы ун көндән туҡтауы ихтимал. Башҡортостан буйынса төрлө фараздар бар, әммә әлегә аҙағына тиклем билдәле түгел, шуға әҙерлек иң ҡурҡыныс “сценарий”ға ярашлы ойошторола.
Кисә иртәнге сәғәт туғыҙға билдәле булыуынса, республикала 22 кешелә коронавирус асыҡланды. Ғөмүмән, тағы 6 кеше өҫтәлде. Әлеге ваҡытта 142 кеше диагноз раҫланыуын көтөп дауаханала ята. 4 меңдән ашыу кеше – үҙаллы изоляцияла. Үкенескә ҡаршы, үлем осраҡтары ла юҡ түгел. Башҡортостанда коронавирусҡа бәйле беренсе үлем осрағы раҫланды. Ҡыуатов исемендәге республика клиник дауаханаһында 80 йәшлек пациенттың үлеменә мейе шешеүе сәбәпсе булған, ә шулай ҙа ул үлгәндән һуң коронавирус барлығы асыҡланған. Быға бәйле табиптар ҙа дауаханала үҙаллы изоляцияла ҡалырға мәжбүр булды. Әйткәндәй, бындай хәл башҡа дауаханаларҙа ла күҙәтелә.
Ҡыуаныслы яңылыҡтар ҙа бар, әлбиттә: 6 пациент һауығып сыҡты. 13 меңдән ашыу кеше тест тапшырып өлгөрҙө.
Рәсәйҙә иһә, сирләүселәр һаны 9 меңгә етеп бара, 63 кеше вафат булды, 600-гә яҡын кеше һауығып сыҡты. Донъя кимәленә килгәндә, сирлеләр 1,3 миллондан ашты, АҠШ-та ғына ла 400 меңгә яҡын.
Әлбиттә, был һандар – гәзитте баҫмаға әҙерләгән мәлгә алынған мәғлүмәт, үкенескә ҡаршы, хәлдәр сәғәтләп һайын тиерлек үҙгәреп тора. Шулай ҙа, киләһе һанда коронавирус һандары буйынса ыңғай хәлдәр тураһында хәбәр итергә яҙһын.
Р. САФИНА.
Новости партнеров