+12 °С
Облачно
Йәмғиәт
22 Апреля 2020, 13:55
Яттан шиғыр һөйләүселәр конкурсында ҡатнашығыҙ!
Ҡаланың йәштәр советы һәм үҙәкләштерелгән китапханалар системаһы Бөйөк Ватан һуғышында Еңеүҙең 75 йыллығына арналған “Беҙгә Еңеү тураһында һөйлә” яттан шиғыр һөйләүселәр конкурсында ҡатнашырға саҡыра.
Бәйгелә ҡатнашыу өсөн башҡорт йәки рус телендә Еңеү темаһына арналған шиғыр ятлап, видеоға яҙҙырып, уны үҙеңдең “Бәйләнештә”ге йәки “Инстаграм”дағы сәхифәңдә шиғырҙың авторын, сығыш яһаусының исем-шәрифтәрен, йәшен яҙып, хештег менән #победа75стр #molsovstr ҡуйырға кәрәк. Шулай уҡ китапханалар системаһы (https://vk.com/biblio75) һәм йәштәр советы ( https://vk.com/molsovstr) төркөмдәрен дә күрһәтеү мотлаҡ.
Конкурсҡа өс йәш төркөмө буйынса шиғырҙар ҡабул ителә:
- 2 йәштән 7 йәшкә тиклем;
- 7 йәштән 17 йәшкә тиклем;
- 17 йәштән алып өлкән йәштәгеләр.
Йәш төркөмдәре буйынса өсәр еңеүсе билдәләнә. Улар дипломдар һәм иҫтәлекле бүләктәр менән бүләкләнәсәк.
Ойоштороу комитеты.
Фото: ҡала хакимиәте сайтынан.
