+2 °С
Ясно
Йәмғиәт
6 Мая 2020, 10:10
Асҡар Абдразаҡов «Еңеү Көнө» йырын туған телдә йырларға саҡыра
Билдәле опера йырсыһы, Бөтә Донъя башҡорттары ҡоролайы башҡарма комитеты ағзаһы Асҡар Абдразаҡов социаль селтәрҙәрҙә яҡташтарын миллиондарса кешеләр яратҡан, Бөйөк Ватан һуғышы символына әйләнгән легегендар “Еңеү Көнө” йырын (Давид Тухманов - Владимир Харитонов) туған телебеҙҙә йырларға саҡыра.
Бының өсөн 9 майҙа pobeda-2020.ru йәки диктантпобеды.рф сайтына инергә, плеерҙы тоташтырып, үҙ туған телеңде һайларға һәм йырҙы йырларға кәрәк буласаҡ. Йырҙы башҡарыу өсөн туғандарҙы һәм яҡындарҙы, дуҫ-иштәрҙе саҡырырға була.
«Дуҫтар! Илебеҙҙең иң мөһим байрамы – Еңеү Көнө етеп килә. Быйыл беҙ Бөйөк Еңеүҙең 75 йыллығын билдәләйбеҙ. Бынан 75 йыл элек беҙҙең олатайҙар һәм ата-бабаларыбыҙ дошман алдында берләшеп, фашист ибаҫарҙарына отпор биргән. Үкенескә ҡаршы, беҙ быйыл байрамды туғандар һәм яҡындар менән бергәләп йыйылышып, урамдарҙа һәм майҙандарҙа билдәләй алмайбыҙ, ә шулай ҙа, өйҙә ҡалып та батырҙарыбыҙҙы иҫкә ала алабыҙ. Әйҙәгеҙ, ошо Еңеү йырын төрлө телдәрҙә, һәр кем үҙ телендә яңғыратайыҡ!» - тип мөрәжәғәт итә Асҡар Абдразаҡов.
Был турала БР Ҡоролтайы битендә “Фейсбук”та хәбәр ителә.
Р.ЗАМАНОВА.
Новости партнеров
