Хәлдәр әлегә ҡатмарлы

Владимир Иванович республикала элеккесә ҡатмарлы эпидемиологик хәл дауам итә, тип билдәләне. Ошоға бәйле төбәктә битлек режимы ғәмәлдә ҡалырға тейеш.

Йәмәғәтселек транспортында, сауҙа үҙәктәрендә һәм башҡа сауҙа объекттарында, дәүләт һәм муниципаль учреждениеларҙа, белем биреү учреждениеларында, предприятиеларҙа һәм башҡа ябыҡ биналарҙа

медицина битлектәрен кейеп йөрөү мотлаҡ булып тора. Шулай уҡ социаль дистанцияны үтәү талап ителә.
Әлеге мәлгә мәктәп һәм ҡала яны һауыҡтырыу лагерҙары балаларҙы ҡабул итә алмай. Был мәсьәлә буйынса ҡарар, шул осорҙағы эпидемологик хәлдән сығып, ҡарар15 июлдән дә алдараҡ ҡабул ителмәйәсәк.
Ҡаланың социаль учреждениелары карантин режимында эшләүен дауам итә, ундай учреждениеларҙың хеҙмәтләндереү персоналы икешәр аҙна вахта ысулы менән эшләй.
- Барлыҡ был сикләүсе саралар коронавирус инфекцияһы таралыуҙы тотҡарлау өсөн эшләй.

Беҙ бер-беребеҙҙе, яҡындарыбыҙҙы, оло йәштәге туғандарыбыҙҙы яман сирҙән һаҡларға тейеш, - тине ҡала етәксеһе.

Владимир Куликов үҙенең урынбаҫарҙарына йәмәғәт транспортында, шул иҫәптән таксиҙа, бөтә төр милекселек предприятиеларында һәм төһҙөлөш майҙандарында, сауҙа объекттарында, бөҙрәханаларҙа битлек режимын үтәүҙе контролдә тоторға ҡушты. Биналарҙы, күп фатирлы йорттарҙағы подъездарҙы, туҡталыш павильондарын, балалар уйын майҙансыҡтарын һәм йәмәғәт территорияларын санитар эшкәртеүҙә профилактик саралар уҙғарыу сараһын күрергә ҡушты.

Профилактик рейдтар уҙғарыуҙы дауам итергә, битлек кейеү һәм тейешле социаль дистанция тотоу кәрәклеген аңлатыу эштәрен әүҙемләштерергә кәрәк.
Стәрлетамаҡта коронавирус инфекцияһы йоҡтороу раҫланған осраҡтар арта. Бер ай эсендә зарарланыусыларҙың дөйөм һаны ҡалала 50-нән артып китте.
Роспотребнадзорҙың БР буйынса идаралығы Стәрлетамаҡ территориаль бүлеге начальнигы урынбаҫары Анна Халиҡова Cityopen.ru порталына 3 июлдә биргән мәғлүмәттәр буйынса, ҡалала йәмғеһе Covid-19 раҫланған 261 кеше теркәлгән.

Р.САФИНА.