+24 °С
Болотло
Йәмғиәт
6 Ғинуар 2021, 15:43
ЯҢЫ ЙЫЛ МӨҒЖИЗӘҺЕ, ЙӘКИ БАЛА ХАҠЫНА 95 МЛН ҺУМ.
Өфөлә йәшәүсе ике йәшлек ҡыҙҙы ауыр диагноз арҡа-мускул атрофияһынана ҡотҡарып ҡалыу өсөн аҡса йыйыу тураһында билдәле булған ине. Тик ҡыҙғанысҡа ҡаршы ярҙам итеүсе препарат «Золгенсма» үтә ныҡ ҡиммәт, уның хаҡы 160 млн һум тирәһе тора.
Аҡса йыйыу биш ай дауам итте шулай ҙа кәрәкле сумма тупланып бөтмәгән ине һәм ниһайәт яңы йыл алдынан ҙур йөрәкле кеше етмәгән аҡсаларға өҫтәп 95 млн һум күсергән. Шулай итеп республика халҡы һәм билдәһеҙ ҡалырға теләгән мөрхмәтлек күрһәтеүсе кеше ярҙамында аҡса йыйыу уңышлы тамамланған.
Тиҙҙән Мостафиндар ғаиләһе Германияға барып дауалау аласаҡ.
Арҡа-мускул атрофияһы – генетик сир, организмда аҡһым етештерелмәү сәбәпле мускулдар ҡороуға, һулыуға дусар. Ауырыу аҡрынлап йөрөүҙән яҙа, кәүҙәһен тота, ултыра һәм үҙаллы йота, тын ала алмай башлай. Рәсәйҙә йыл һайын ошо хәүефле сиргә дусар 200-гә яҡын бала донъяға килә.
