+30 °С
Болотло
Йәмғиәт
29 Ғинуар 2021, 09:35
Данлы үткәнебеҙгә ғорурлыҡ тәрбиәләйбеҙ
Ҡала хакимиәтендә Афғанстан ветерандар Союзы, ДОСААФ, ҡала ветерандары Советы вәкилдәре, физик культура һәм спорт буйынса комитет рәйесе, ҡаланың мәҙәниәт бүлеге, мәғариф бүлеге, йәштәр сәйәсәте начальниктары һәм Стәрлетамаҡ ҡалаһы һәм Стәрлетамаҡ районы хәрби комиссариаты ҡатнашлығында йәштәргә патриотик тәрбиә һәм хәрби хеҙмәткә саҡырылыуға тиклемге әҙерлек буйынса Координацион совет ултырышы булды. Ултырышты хакимиәт башлығы Владимир Куликов алып барҙы.
Унда йыйылыусылар мөһим мәсьәләләрҙе - «Ватан» («Отечество») хәрби-патриотик йәмғиәте эшмәкәрлеге, ҡалалағы йәш армеецтар хәрәкәте үҫеше һәм көҙгө саҡырылыш кампанияһы һөҙөмтәләрен тикшерҙе.
«Ватан» хәрби-патриотик йәмғиәте етәксеһе Евгений Челотканов йәмғиәттең эш йүнәлештәре, 2020 йылда уҙғарылған саралар тураһында һөйләне.
Координацион совет ҡарары менән Стәрлетамаҡ буйынса йәш армеецтар штабы начальнигы итеп 23-сө полилингваль мәктәп директоры урынбаҫары И.Ю.Кухарин һайланды. Ошо йылдан башлап йәш армеецтар хәрәкәте «Зарница» хәрби-спорт уйынын яңыртырға һәм шулай уҡ «Салют» балаларҙы һауыҡтырыу лагеры базаһында йәйге «Юнармеец» лагерына әҙерләнеү эштәрен планлаштыра. Йәштәргә патриотик тәрбиә биреү – беҙҙең иң мөһим мәсьәләләрҙең береһе. Йәштән оло быуынға, үҙ илебеҙгә, уның данлы үткәненә, ата-бабаларыбыҙҙың батырлыҡтарына хөрмәт һәм ғорурлыҡ тойғоһо тәрбиәләү мөһим, - тип йомғаҡланы һүҙен Владимир Иванович.
Р.ЗАМАНОВА.
