+30 °С
Болотло
Йәмғиәт
1 Февраль 2021, 15:00
«Афған. Ҡаһарманлыҡ территорияһы»
Башҡортостандың медицина хеҙмәткәрҙәренә - Афғанстандағы 1979-1989 йылдарҙағы ҡораллы бәрелештә ҡатнашыусыларға арналған виртуаль күргәҙмә шулай тип атала.
Уның ойоштороусылары – Башҡортостан Республикаһы Мәҙәниәт министрлығының Хәрби Дан музейы. Күргәҙмә Ватандан ситтә хәрби бурысын үтәгән Рәсәй кешеләренең Хәтер көнөнә арналған саралар сиктәрендә уҙғарыла.
Хәрби табиптар ауыр һуғыш шарттарында медицина ярҙамы ғына күрһәтеп ҡалмаған, ә бәлки совет һалдаттарының һәм офицерҙарының күпләп ауырыуҙарына юл ҡуймаҫҡа ярҙам иткән, гигиена, санитария булдырыу менән шөғөлләнгән, тәүлек әйләнәһенә операция өҫтәле янында дежурлыҡ иткән һәм махсус тәғәйенләне төркөмдәре менән бергә рейдтарҙа ҡатнашҡан.
Күргәҙмәне ойоштороу һәм был тема буйынса мәғлүмәт йыйыу өсөн ҡатнашырға теләгән һәр кем саҡырыла. Бының өсөн фотографиялар сканкүсермәләр һәм туғандарығыҙҙың һәм яҡындарығыҙҙың биографик мәғлүмәттәрен бирергә кәрәк. Материалдар 4 февралгә тиклем odm-srt106@mail.ru электрон адресы, йә иһә Октябрь проспекты, 32 (106 бүлмә) адресы буйынса йыйыла.
Йәштәр сәйәсәте бүлеге.
