+24 °С
Болотло
Йәмғиәт
18 Март 2021, 06:36
Республикала йәшәүселәрҙе #Ҡырымяҙы фоточелленджында ҡатнашырға саҡыралар
Башҡортостанда йәшәүселәрҙе 18-21 мартта #Ҡырымяҙы фоточелленджында ҡатнашырға саҡыралар.
Бының өсөн Ҡырымда ял һәм сәйәхәт итеүҙән ҡалған тәьҫораттар һәм хәтирәләр менән бүлешергә кәрәк. «Бәйләнештә», «Класташтар», «Instagram», «Facebook» социаль селтәрҙәренә фото һалып, эстафетаны биш дуҫыңа йәки туғаныңа тапшырырға тейешһең.
Фотоларға #Ҡырымяҙы һәм #РәсәйСевастопольҠырым хештегтарын ҡуйыу мотлаҡ.
Иң күп лайк йыйған фотолар «Молодежная газета» баҫмаһында донъя күрә.
Хәтерегеҙгә төшөрәбеҙ, 18 март — Ҡырымдың Рәсәйгә ҡушылған көнө. Илдең барлыҡ төбәктәрендә «Ҡырым яҙы» тигән дөйөм исем аҫтында ошо датаға арналған саралар уҙғарыла.
Башинформ.
