+24 °С
Болотло
Йәмғиәт
22 Март 2021, 18:56
Төрөксә һайрағанға ышанып барғанмы?
47 йәшлек Эльвира исемле ҡатын социаль селтәрҙәр аша 40 йәшлек төрөк менән таныша һәм уның менән осрашыу өсөн сит илгә сығып китә. Тик унда ла ирҙәр әллә ни түгел икән, яңы таныш ҡатынды отелдә бикләп ике көн дауамында туҡмай.
Ир Стамбулда йәшәгән булған, интернет аша аралашҡандан һуң Өфөлә йәшәгән ҡатын Төркиәгә барырға ризалаша. Осрашҡандан һуң отелдә йәшәргә ҡарар итәләр, тик тиҙҙән ир һәм ҡатын араһында низағ тыуа. Кискә ҡарай ир кеше иҫереп, яңы танышын туҡмай башлай.
Икенсе көндә лә йоҙороҡтар туҡталмай, ир ҡатындың битен бөтөнләй йыртҡыслап бөтөрәм тип тә ҡурҡытып бөтә.
Төрөк магазинға сығып киткән мәлдә, ҡатын сығып ҡаса ала һәм ҡунаҡхана вәкилдәренә хәбәр итә. Ваҡиға урынына полиция килә, ҡатынды дауаханаға оҙаталар.
Көслө затты ҡулға алғандар, ә Эльвира Өфөгә ҡайтып етә алған. Бындай сәйәхәт оҙаҡҡа хәтерендә ҡалыр күрәһең.
