+24 °С
Болотло
Йәмғиәт
7 Февраль 2022, 06:00
Дәүләт хеҙмәттәре порталында асыҡ тыңлауҙар уҙғарыу мөмкинлеге барлыҡҡа килде
Берҙәм дәүләт хеҙмәттәре порталында хәҙер муниципалитеттарҙа йәшәүселәр ҡатнашлығында асыҡ тыңлауҙар үткәрергә мөмкин. Ошондай тыңлауҙар ойоштороу өсөн порталды файҙаланыу тәртибе тураһындағы ҡарарға Рәсәй хөкүмәте рәйесе Михаил Мишустин ҡул ҡуйған.
Дәүләт хеҙмәттәре порталында асыҡ тыңлауҙар уҙғарыу мөмкинлеге барлыҡҡа килде
Яңы сервис граждандарҙың урындағы үҙидара мәсьәләләрен хәл итеүҙә ҡатнашыуын еңеләйтергә мөмкинлек бирә. Бынан тыш, дистанцион формат эпидемиологик хәүефһеҙлек талаптарына яуап бирә.
Дәүләт хеҙмәттәре порталы ярҙамында тыңлауҙарҙы уҙғарыу көнө һәм ваҡыты тураһында алдан белергә, шулай уҡ фекер алышыуға сығарылған материалдар, мәҫәлән, урындағы бюджет проекты йәки муниципалитеттың социаль-иҡтисади үҫеш стратегияһы менән танышырға мөмкин.
Тыңлауҙарҙа раҫланған иҫәп яҙмаһы булған һәр кем ҡатнаша ала.
Башинформ.
