Батырлыҡ, дәрәжә һәм намыҫ байрамы ул!

 Ватанды һаҡлау Тыуған илебеҙҙең һәр гражданының маҡтаулы бурысы булды һәм булып ҡала. Беҙ киләсәк быуындың именлеге һәм тыныслыҡ өсөн дәүләтебеҙҙең бойондороҡһоҙлоғон һәм азатлығын һаҡлап алып ҡалыусыларҙы хөрмәтләп иҫкә алабыҙ. Ватандаштарыбыҙ имен һәм тыныс йәшәһен өсөн ғүмерҙәрен аямай яуға барған, ал-ял белмәй ең һыҙғанып тылда хеҙмәт иткән, хатта ошо байрам көнөндә лә илебеҙҙең оборона һәләтен нығытып, үҙенең яугир бурысын үтәгәндәрҙең барыһына ла сикһеҙ рәхмәт белдерәбеҙ.