+24 °С
Болотло
Йәмғиәт
8 Март 2022, 02:55
Йәшәүгә көс бирәһегеҙ, һөйөклө ҡатын-ҡыҙҙарыбыҙ!
Һеҙҙе яҙҙың гүзәл байрамы – 8 Март менән ҡотлайым! Һеҙ әсәйҙәргә, йәмәғәттәрегеҙгә, ҡыҙҙар һәм улдарға, туғандарға, бергә эшләгән хеҙмәттәштәргә рухи терәк булыуығыҙ арҡаһында, эштәребеҙ уңышлы бара. Һеҙ – бөтмәҫ-төкәнмәҫ илһам сығанағы, ғәжәйеп энергетика һәм йәшәүгә көс-ҡеүәт бирәһегеҙ. Бихисап көндәлек ваҡ мәшәҡәттәргә күмелеүгә ҡарамаҫтан, нәзәкәтле һәм һоҡланғыс булып ҡалаһығыҙ. Ғаилә усағына ҡот-йәм биреп, балаларҙы тәрбиәләү менән бергә, һөнәри эшмәкәрлек бурыстарын да берҙәй юғарылыҡта алып бараһығыҙ. Кәрәк булһа, тиңе булмаған батырлыҡ, ныҡлыҡ һәм сыҙамлыҡ күрһәтә алаһығыҙ.
Ҡатын-ҡыҙ бөтә замандарҙа ла изгелек, наҙлылыҡ, нәзәкәтлелек һәм һөйкөмлөлөк символы булып торған. Беҙ һеҙҙең хәстәрегеҙҙе ихлас баһалайбыҙ, гүзәллегегеҙгә һәм тәрән аҡылығыҙға һоҡланабыҙ, һеҙҙең менән ғорурланабыҙ.
Һөйөклө ҡатын-ҡыҙҙар! Үҙегеҙҙең сикһеҙ изгелеклелегегеҙ һәм күңел йомартлығығыҙ менән донъяны тағы ла яҡтыраҡ һәм камилыраҡ иткәнегеҙ өсөн ҙур рәхмәт. Бөтөн күңелемдән һеҙгә ныҡлы һаулыҡ, шатлыҡ-ҡыуаныстар һәм көр күңел теләйем.
Һөйөп-һөйөлөп йәшәгеҙ, бәхетле булығыҙ!
Байрам менән!
Рөстәм ҒӘЗИЗОВ,
Стәрлетамаҡ ҡалаһы
ҡала округы хакимиәте башлығы.
Йәшәүгә көс бирәһегеҙ, һөйөклө ҡатын-ҡыҙҙарыбыҙ!
