+20 °С
Болотло
Йәмғиәт
1 Апрель 2022, 10:05
Республика тимер юлсылары Донецк һәм Луганск халҡы өсөн ярты тонна гуманитар ярҙам әҙерләгән
Март башынан Куйбышев тимер юлының Башҡортостан бүлексәһе белгестәре Донецк һәм Луганск халыҡ республикалары халҡы өсөн 500 килограмдан ашыу гуманитар ярҙам йыйған.
Республика тимер юлсылары Донецк һәм Луганск халҡы өсөн ярты тонна гуманитар ярҙам әҙерләгән
Башҡортостан Республикаһы Транспорт һәм юл хужалығы министрлығының матбуғат хеҙмәтенән хәбәр итеүҙәренсә, миһырбанлылар ҡабул итеү пунктына аҙыҡ-түлек, кәрәк-яраҡ, гигиена әйберҙәре, кейем-һалым, аяҡ кейеме һәм канцелярия кәрәк-яраҡтары килтергән. Тимер юлсылар балаларға тәғәйенләнгән уйынсыҡтарға, үҫтереүсе китаптарға ҙур иғтибар бүлгән.
Республикала #БеҙБергә бөтә Рәсәй акцияһында Куйбышев тимер юлының 500-гә яҡын хеҙмәткәре ҡатнашҡан, һәм уларҙың һаны көндән-көн арта бара.
Башинформ.
