+24 °С
Болотло
Йәмғиәт
23 Май 2022, 11:00
Радий Хәбиров: Үзбәкстан беҙҙең республика менән ныҡ ҡыҙыҡһына
Үзбәкстан бик ныҡ үҫешә, яҡшы сәнәғәт һәм социаль үҫеш динамикаһында, унда өйрәнәһе нәмәләр бар. Улар беҙҙең республика, иҡтисад һәм мәҙәниәт менән ныҡ ҡыҙыҡһына, тине Башҡортостан Башлығы хөкүмәттең Республикаға идара итеү үҙәгендәге оператив кәңәшмәһендә.
Радий Хәбиров: Үзбәкстан беҙҙең республика менән ныҡ ҡыҙыҡһына
«Бай йөкмәткеле сәфәр булды. Беҙ юл картаһын төҙөү өсөн эшсе төркөм булдырырғакилештек, быны Үзбәкстан премьер-министры ла хупланы. Благовещен ҡалаһындағы производствоға аҡса һала башлаған Наманган предприятиеһы менән бәйләнештәбеҙ. Сәмәрҡәндтәге коллегаларыбыҙҙан да тәҡдимдәр бар. Үзбәкстанға иң ҙур бизнес-миссия барҙы, 96 эшҡыуар үҙҙәренең коллегалары менән һөйләшеүҙәр үткәрҙе», — тине Радий Хәбиров.
Шулай уҡ Башҡортостан Башлығы Үзбәкстанға сәфәр йомғаҡтары буйынса хөкүмәттең беренсе вице-премьеры – иҡтисади үҫеш һәм инвестиция сәйәсәте министры Рөстәм Моратовҡа Үзбәкстанды күрергә теләге булған яҡташтарыбыҙ өсөн турпакет буйынса тәҡдимдәр әҙерләргә ҡушты.
«Сәмәрҡәнд – иҫ киткес матур һәм туристар өсөн ҡыҙыҡлы ҡала. Беҙҙә Ташкентҡа һәм Наманганға тура рейстар бар, унда ҡалалар араһында юғары тиҙлекле поездар йөрөй. Хәтәр шәп турпродукт эшләргә мөмкин. Быйыл йәй беҙҙең туристарҙың ошо илгә барыу мөмкинлеге булырға тейеш, был бик ҡыҙыҡлы. Иҫ китерлек мәҙәниәт, тәмле ризыҡ, туристарыбыҙ өсөн хәүефһеҙ, урындағы халыҡ изгелекле мөнәсәбәттә. Беҙҙең бурыс – туристарыбыҙ өсөн уңайлы трупродукт булдырыу», – тине Радий Хәбиров.
Хәтерегеҙгә төшәрәбеҙ, Башҡортостан делегацияһы 17-18 майҙа рәсми сәфәр менән Үзбәкстанға барып ҡайтты.
Башинформ.
Радий Хәбиров: Үзбәкстан беҙҙең республика менән ныҡ ҡыҙыҡһына
