Бөтә яңылыҡтар
Йәмғиәт
8 Июнь , 09:49

Июнь айында оҙайлы ял көндәре

Башҡортостандың Ғаилә, хеҙмәт һәм халыҡты социаль яҡлау министрлығында июнь айындағы оҙайлы ял көндәре тураһында иҫкә төшөрҙөләр. Ул Рәсәй көнөн байрам итеүгә бәйле.   Рәсәй Хеҙмәт кодексының 112-се статьяһына ярашлы, 12 июнь Рәсәй көнө – байрам көнө булып тора. 

2022 йылда 12 июнь аҙна һайын ял итә торған йәкшәмбе көнөнә тура килә. Ял һәм байрам көндәре бергә тура килгәндә ял көнө байрамдың иртәгәһенә күсерелә. Шуға ярашлы, ял көнө йәкшәмбенән дүшәмбегә – 13 июнгә күсерелә.

Шулай итеп, биш көнлөк эш аҙнаһында, Рәсәй көнөн байрам итеүгә бәйле,11,12 һәм 3 июнь ял көндәре булып тора.  10 июндә – йома көндө эш сәғәте ҡыҫҡартылмай.

Алты көнлөк эш аҙнаһында 12 һәм 13 июнь ял көндәре. Ул саҡта шәмбе көнө – 11 июндә эш ваҡыты бер сәғәткә ҡыҫҡара.

Р.ЗАМАНОВА.

Июнь айында оҙайлы ял көндәре
Июнь айында оҙайлы ял көндәре
Автор:Роза Сафина
Читайте нас в