+24 °С
Болотло
Йәмғиәт
23 Август 2022, 11:45
Юлда йөрөгәндә абай булығыҙ!
Юл ҡағиҙәләрен тупаҫ боҙоуҙарҙы асыҡлау өсөн Стәрлетамаҡ Юл хәрәкәте хәүефһеҙлеге дәүләт инспекцияһы хеҙмәткәрҙәре аҙна һайын профилактик рейдтар уҙғарып тора. 19 августа бәлиғ булмаған ете йәше тулмаған балаларҙы йөрөткәндә юл хәрәкәте ҡағиҙәләре үтәлеше буйынса транспортты күпләп тикшереү буйынса профилактик рейд уҙғарылды. Тулыраҡ сайтта уҡығыҙ.
Стәрлетамаҡ ҡалаһы юлдарында профилактик саралар уҙғарғанда юл хәрәкәте ҡағиҙәһен боҙоуҙың 136 осрағы асыҡланды. Ете йәше тулмаған бәлиғ булмаған балаларҙы йөрөтөү ҡағиҙәләрен боҙған өсөн 11 водителгә ҡарата административ материал төҙөлдө. Транспорт сараһы менән идара иткәндә ҡаршы юл һыҙатына сыҡҡан өсөн бер водитель, дәүләт-теркәү билдәһе булмаған ике водитель, светофорҙың тыйылған сигналына үткән бер водитель яуапҡа тарттырылды. 7 автомобиль махсуслаштырылған туҡталҡаға ҡуйылды.
Гөлназ Мусаҡаева, Рәсәй Эске эштәр министрлығының Стәрлетамаҡ ҡалаһы буйынса ЮХХДИ бүлегенең юл хәүефһеҙлеге инспекторы, өлкән лейтенант.
Һүрәттә: ЮХХДИ бүлегенең юл-патруль хеҙмәте инспекторы, кесе лейтенант Э.Файыҡов рейд ваҡытында.
Динара Исхакова фотоһы.
Юлда йөрөгәндә абай булығыҙ!
