Рәмил Бәҙәмшин Шайморатов исемендәге батальон яугирҙәре алдында йыр башҡарҙы

 Был хаҡта «Башҡорт батальоны» телеграм-каналы хәбәр итә. Хәтерегеҙгә төшөрәбеҙ, йырсы махсус хәрби операция зонаһына өсөнсө гуманитар конвой менән барған.

Рәмил Бәҙәмшин үҙенең йырын Башҡортостандың күп милләтле халҡына, башҡорт яугирҙәренең батырлығына арнаған, тип хәбәр иткәйне «Башинформ» мәғлүмәт агентлығы. «Башинформ» мәғлүмәт агентлығы Рәмил Бәҙәмшиндың Донбасҡа бынан алдағы сәфәренән һуң бер нисә көн үткәс йырҙың һүҙҙәрен баҫып сығарҙы.

«Махсус хәрби операция зонаһына барып ҡайтҡандан һуң бер нисә яңы йыр яҙҙым. Ҡасан да булһа уларҙы алғы һыҙыҡта йырлармын тип ышанам», — тигәйне Рәмил Бәҙәмшин «Башинформ» мәғлүмәт агентлығына.