Электр йылыта ла ул...

Янғын сығыуҙың төп сәбәптәре булып был айҙар-ҙа ғәҙәттә төҙөк булмаған электр ҡорамалдарын ҡулланыу, кешенең ут менән һаҡһыҙ эш итеүе һ.б. тора.

Башҡортостан Республикаһы буйынса Ғәҙәттән тыш хәлдәр министрлығы ябай ғына ҡағиҙәләрҙе иҫтә тотоу кәрәклеген иҫкәртә: бәләкәй балаларға шырпы уйынсыҡ түгел икәнен аңлатығыҙ, шырпыны балаларҙың ҡулы етмәҫлек урындарҙа һаҡлағыҙ; ҡабыҙылған электр ҡорамалдарын, йылытыу приборҙарын ҡулланғанда, мейес, мунсаға яҡҡанда ут менән һаҡ булығыҙ; төҙөк электр ҡорамалдары менән генә файҙаланығыҙ; электр сымдарын һыулау, обой менән йәбештереү, сөй эләктереү, тартыу һәм бәйләү тыйыла; иҫке шнур, һәм оҙонайтҡыстар (удлинитель), төҙөк булмаған розетка, штепсель менән файҙаланмағыҙ; ҡулдан эшләнгән электр приборҙары, стандарт булмаған ҡорамалдар, предохранителдәр менән ҡулланыу тыйыла; өйөгөҙҙән сыҡҡанда телевизор, яҡтыртҡыс лампаларҙы, электр йылытыусы, газ приборҙарын һ.б. һүндереп сығығыҙ; өйөгөҙҙә һәм йорт-ҡура тирәһендә янғын һүндереү ҡорамалдары, һыу менән һауыт, биҙрә һәр ваҡытта ла әҙер торорға тейеш.Һеҙҙең һәм яҡындарығыҙҙың ғүмере, мөлкәтегеҙҙең именлеге һеҙҙең ҡулда!

Өлфәт МӨХӘМӘТЙӘНОВ,
16-сы янғын-ҡотҡарыу часының ҡарауыл начальнигы, эске хеҙмәттең өлкән лейтенанты.