Министрлыҡ мәғлүмәттәренә ҡарағанда, үткән йылда 3,5 тоннанан ашыу орлоҡ әҙерләгәндәр. Шуның яртыһы – ҡарағай орлоғо, ҡалғандары – 615 кг шыршы, 550 кг имән, 68,5 кг ҡарағас орлоғо. Орлоҡ әҙерләү процесы күп көс талап итә. Мәҫәлән, 1 тонна тубырсыҡтан 12 кг тирәһе орлоҡ алына.
«Экология» милли проекты ҡалдыҡтар менән эш һөҙөмтәлелеген арттырыуға, эре сәнәғәт үҙәктәрендә һауаның бысраныуын кәметеүгә, һәм шулай уҡ Рәсәйҙең уникаль флораһын һәм фаунаһын һаҡлауға йүнәлтелгән. Иҫегеҙгә төшөрәбеҙ, Рәсәй Президенты Владимир Путин тәҡдим иткән милли проекттар 2019 йылдан, ил башлығының май указдарына ярашлы, тормошҡа ашырыла башланы.
Р.САФИНА.