Башҡортостан умартасыһы махсус хәрби операцияла ҡатнашҡан яугирҙәргә бер тоннанан ашыу бал оҙатҡан

Балды башҡорт яугирҙәренә Чехов исемендәге шифахананан Осиповтар ғаиләһе ебәргән. Һалдаттар Башҡортостан халҡының уларға ярҙам күрһәтеүен тойорға тейеш, тип иҫәпләй ғаилә башлығы Станислав Осипов.

«Станислав Осипов ҙур булмаған умарталыҡ тота. Әйткәндәй, был ғаилә махсус хәрби операцияла йөрөгән яугирҙәргә беренсе тапҡыр ғына бал ебәрмәй. Ноябрҙә Станислав хәләл ефете Виолетта, ҡыҙы Русалина һәм улы Давид менән махсус гуманитар ярҙам йыйыу үҙәгенә тоннанан ашыу бал тапшырғайны. Һалдаттарыбыҙ шылтыратып, файҙалы ризыҡ өсөн рәхмәт әйтте», — тип яҙҙы Дамир Мостафин «Бәйләнештә»ге сәхифәһендә.

Башинформ.