Июндәге ямғырҙар алтын тауға тиң (Һынамыштар)

Төндә йәшен йыш булһа, уңыш мул буласаҡ.
Әгәр турғай үҙ ояһын ерҙә ҡора икән, йәй бик ҡоро буласаҡ, ә ағаста ҡорһа, ямғырлы була.
Әгәр миләш һуң сәскә ата икән, көҙ оҙон буласаҡ.
Июндә томан йыш булһа, бәшмәк күп буласаҡ.
Июндең егерме һигеҙендә яуған ямғыр ете көнгә һуҙылыр.
Июнь айында ямғырҙан һуң йәйғор пәйҙә булһа, һауа торошо бик оҙаҡ йылы буласаҡ.
Июндә төндәр йылы булһа, уңыш яҡшы буласаҡ.
Июнгә ҡара ла декабрҙе күҙалла, ти халыҡ аҡылы.